Koeppchen

No dräi Woche komplettem Shutdown an no dräi Wochen Observatioun vun der Entwécklung vum Covid-19 si mir ab dësem Donneschden erëm mat engem Take-Away Service fir eis Clientë do.

Och wann dëst just eng éischt kleng Etapp vun der Reouverture vun der Koeppchen representéiert, ass et trotzdeem den éischte klenge Schrëtt a Richtung Normalitéit.

Ab dësem Donneschden, präparéiere mir all Mëtten eis Burgeren a bidden zousätzlech eng flott Auswiel u Barquetten un, déi dir ganz einfach doheem wierme kennt.

All Precautiounen si geholl fir eng maximal Hygiène ze assuréieren an all Kontakt mat anere Leit ze ënnerbannen.

Eis Burger kritt dir Méindes bis Freides Mëttes vun 12h-13.30h an eis Barquetten vun 11h - 17h.

Bestelle kennt dir ganz einfach iwwer Telefon: +352 76 00 46
(Méindes bis Freides vun 10h-17h)

Um Telefon kritt dir matgedeelt wéini dir är Commande kennt siche kommen.

Bezuele kenn dir per Digicash, Iwwerweisung, Contactless Bancomat an och falls néideg Cash.

Eisen Take-Away Espace kenn dir iwwer d'Terrasse betrieden an duerch d'Sortie beim Bar erëm verloossen.

Fir eis eeler, vulnerabel oder manner mobil Clientë liwwere mir iech och gären äert Iessen innerhalb der Gemeng Wuermer heem.
Dëse Service bidde mir gratis un fir Persounen déi hiert Haus net verloosse kennen. Op Ufro kenne mir dëse Leit och nach déi eng oder aner Akeef matbréngen.

Mir wënschen eise Clientë weiderhin eng gutt Gesondheet, vill Gedold a wéineg Suergen.

bescht Gréiss,

D'Ekipp vun der Koeppchen.

Etabli en 1907 et renové en 2014, le Bistro Brasserie Koeppchen est un nouveau hot spot à coté de la Moselle. Des événements spéciaux et une cuisine moderne et traditionelle vous invitent.

Ganz uewen zu Wuermer op der Kopp begréisse mir Iech an eiser Brasserie. Mir verwinnen Iech mat lëtzebuergesche Spezialitéiten, dene beschte Wäiner vun der Musel an enger eenzegaarteger Ambiance.

Iwwerzeegt Iech selwer a kommt laanscht kucken. Mir sinn all Dag vun 11 bis 1 Auer fir Iech do.